Saturday, July 2, 2011

શું આપણી જેમ ત્યાં પણ કોઈ રહે છે ?


અડધી રાતે બાળકે પ્રશ્ન કર્યો બાપને ફૂટપાથે
આકાશે કેટલા બધા લાઈટના થાંભલા છે
શું આપણી જેમ ત્યાં પણ કોઈ રહે છે ?
તાકી રહ્યો થાકેલો બાપ ભોળા બાળક સામે

એક ફ્લેટમાં સ્કોચની ચૂસકી ને એક કવિ
તાકી રહ્યો છે, એકીટસે આજ આકાશે
તારાઓને જોઇને ટપકાવે છે કઈ ચોપડે
કદાચ એકલતા સરખાવે છે તારા સાથે

ધાબે પડ્યો છે મધ્યમવર્ગી ક્લાર્ક એક
ઊંઘે રોજ અગાશીએ ને લાઈટબીલ બચાવે
ગણે પગાર વધારો અડધીરાતે પડ્યો-પડ્યો
ને આખું આકાશ લાગે છઠ્ઠું પગાર પંચ એને

No comments: